विदेशको कमाई त्यागेर लमजुङका युवा गाउँमै अलैंची खेती गर्दै
Harek Samachar
2:43 AM
0
लमजुङ, फागुन १२ – लमजुङमा अलैंची खेती तिव्र रुपमा विस्तार हुँदै जाँदा युवाले गाउँमै रोजगारी पाउन थालेका छन् । थोरै श्रम र लगानीमा धेरै आम्दानी हुने भएपछि युवा अलैंची खेतितर्फ आकर्षित भएका हुन् ।
तर त्यहाँ पनि सोचेजस्तो नभएपछि तामाङले हिजोआज गाउँकै पाखो जमिनमा विदेशमा भन्दा बढी आम्दानी गरिरहनु भएको छ । गाउँमा खेर गइरहेको जमिनमा अलैँचीबाट आउँदो वर्ष २० लाख रुपैयाँ आम्दानी हुनेमा उहाँ ढुक्क हुनुहुन्छ ।
परम्परागत खेती भन्दा अलैंची खेती गर्दा धेरै आम्दानी हुने किसानहरुको अनुभव छ । सामान्यतया एक हजार मिटर भन्दा उच्च भूभागमा रहेको सेपिलो ठाउँमा अलैँची खेती हुने गरेको छ । यसअघि धान, मकै, कोदो रोपिएको ठाउँमा समेत अहिले अलैंची रोपेको छिनखोलाकै अर्का किसान जगराम तामाङले बताउनुभयो । परम्परागत खेतीले छ महिना पनि खान नपुग्ने किसान अलैँची खेतीबाट मनग्य आम्दानी लिन पाउँदा दंग छन् । विगत दश वर्षदेखि अलैंची खेतीमा लागेका किसान मनप्रसाद तामाङले अलैंची बेचेर राम्रो आम्दानी भइरहेको बताउनुभयो ।
जिल्ला कृषि विकास कार्यालय लमजुङका अनुसार जिल्लाको एक सय ९४ हेक्टर क्षेत्रफलमा अलैंची रोपिएको छ । जसबाट यस बर्ष मात्रै ६२ मेट्रिक टन अलैँची उत्पादन भएको र १२ करोड ४० लाख रुपैयाँ आम्दानी भएको छ । लमजुङमा सबैभन्दा धेरै अलैंची खेती भुलभुलेको छिनखोलामा गरिएको छ । गाउँमा रहेको ५२ घरधुरीले संयुक्त रुपमा समेत अलैंची खेती लगाएका छन् ।
No comments