जीवितै रहेका वरिष्ठ संगीतकार अम्बर गुरुङलाई भारतीय दूतावासको श्रद्धाञ्जली यो कस्तो अचम्म, उच्च ओहदामा रहेर पनि यस्तो व्यवहार ?

काठमाडौंको ग्राण्डी अस्पतालमा उपचार गराइरहेका संगीतकार अम्बर गुरुङलाई भारतीय राजदूतावासले श्रद्धाञ्जली दिएको छ । परिवारका सदस्य र अस्पतालले अझै उपचार भइरहेको बताए पनि काठमाडौंमा रहेको भारतीय राजदूतावासले ट्विटरमार्फत श्रद्धाञ्जली दिएको हो। सोमबार दिउँसो पौने २ बजे राखिएको ट्विटर स्टाटसमा भारतीय दूतावासले लेखेको छ ' भारतीय दूतावास प्रसिद्ध नेपाली संगीतकार श्री अम्बर गुरुङको दुखद् निधनप्रति श्रद्धाञ्जली ब्यक्त गर्दछ।'
दूतावासले यो स्टाटस पोस्ट गरेको केहीबेरमा नै डिलिट गरेको छ। यसअघि सोमबार नै केही सञ्चार माध्यम र सामाजिक सञ्जालमा अम्बर गुरुङको मृत्यु भएको खबर फैलिएको थियो। तर अम्बर गुरुङका छोरा राजुले आफ्नो बुबाको उपचार भइरहेको पहिलोपोस्टसँग बताएका थिए। उनले अम्बर गुरुङको अवस्था गम्भीर भए पनि उपचार भइरहेको जानकारी दिए। ग्राण्डी अस्पतालले गुरुङको भेन्टिलेटरमा राखेर उपचार भइरहेको जानकारी दिएको छ।

। Indian Embassy expresses condolences on the sad demise of noted Nepalese musician Sri Amber Gurung. — IndiaInNepal (@IndiaInNepal) June 6, 2016 ‘