बिकट हिमाली जिल्ला मुुगुका लागि त सुनकली नै मेस्सी सरह हुन्,जसले फुटबल खेलेर जिल्लावासिलाई खुशी हुने अवसर दिएकी छिन- भिडियो हेर्नुस

बिकट हिमाली जिल्ला मुुगुका बालिकाले फुटबलमा देखाएको सफलतामा आधारित रहेर निर्माण भएको वृत्तचित्र ‘सुनकली’ प्रलुनी मुगुको सदरमुकाम गमगढीमा प्रदर्शनी गरिने भएको छ । सुनकलीको देश विदेशमा गरिएको प्रदर्शनबाट संकलित रकम मुगुको बिभिन्न क्षेत्रमा खर्च गरिने भएको छ । जिल्ला विकास समितिको सभा हलमा जेठ ११ देखि १६ गतेसम्म प्रदर्शन हुने ‘सुनकली’ वृत्तचित्रबाट संकलित रकम सुनकली बुढाको खेलाडी टोली र समग्रमा सुनकलीको रुगा गाविसका विद्यालयमा अध्ययन गरिरहेका बालिकाहरुका शिक्षा क्षेत्रमा खर्च गरिने निर्माता असल छिमेकी नेपाल मुगु सामुदायिक परियोजनाले जानकारी दिएको छ । 

आईतबार एक पत्रकार सम्मेलन आयोजना गरि परियोजनाले अब वृत्तचित्र मात्र नभएर जिल्लामा सुनकली परियोजना समेत सञ्चालन गरिने छ । विश्वका विभिन्न १६ वटा देशमा प्रर्दशन गरिएको यो वृत्तचित्र वल्र्ड फिल्म फेस्टिवलमा १ सय ५० बृत्तचित्रलाई पछि पार्दै प्रथम भएको थियो । सदरमुकाम गमगढीमा प्रदर्शन हुने बृत्तचित्रका लागि विदेशी पत्रकार सहित तीस जना पर्यटकको टोली जिल्ला पुग्ने असल छिमेकी नेपालका मुगु संयोजक विमला श्रेष्ठले जानकारी दिनुभयो । 

विभिन्न देशमा प्रदर्शन गरि संकलन भएको १४ लाख रकम रुगा गाविसका विद्युत नपुगेका वस्तीमा ‘एक घर, एक सोलार’ कार्यक्रम सञ्चालन गरिने छ । विभिन्न दातृ निकाय सरकारी तथा गैर सरकारी निकायसँग स्रोत जुटाएर सुनकली परियोजना सञ्चालन गरि बालिकाको शिक्षा र सामाजिक सशक्तिकरणमा जोड दिईने छ ।