सिंगापुर, लण्डन र दिल्लीमा चल्ने जस्तै अत्याधुनिक बस काठमाडौंमा, के रहेछ त मेट्रो बसका विशेषता { पुरा पढनुहोस }

चालक र सहचालकको रुखो बोली, महिला यात्रुलाई दुव्र्यवहार, सरकारले तोकेको भन्दा बढी भाडा तिनुपर्ने बाध्यता, ठाउँठाउँमा रोकेर हैरान पार्ने प्रवृत्ति । काठमाडौंको लोकल बसमा यात्रा गर्ने धेरै यात्रुले दिनहुँ भोग्नुपर्ने समस्या हो, यो ।

यात्रुका यस्ता समस्या समाधान गर्न भन्दै एउटा निजी यातायात समितिले अत्याधुनिक र सुविधासम्पन्न बस सञ्चालन गर्दैछ । समितिको योजना र दाबी साँच्चै व्यवहारमा देखिने हो भने काठमाडौंको लोकल बसमा यात्रा गर्दा सिंगापुर, लण्डन र दिल्लीमा यात्रा गरे सरह अनुभव यात्रुले गर्न पाउनेछन् । महानगर यातायात प्रालिले आइतबारदेखि अत्याधुनिक प्रविधी जडित हाइटेक मेट्रो बस सुरु  गर्न लागेको छ । सुरुमा ३९ वटा बस चक्रपथमा मात्र गुड्नेछन् । त्यसपछि अरु ठाउँमा पनि बिस्तार गर्ने तयारी छ । एउटा बस तयार पार्न झण्डै ४१ लाख खर्च लागेको समितिले जनाएको छ ।

‘हामीले दिल्ली, सिंगापुर र लण्डनमा चल्ने बस हेरेर त्यस्तै सुविधा सहितको बस चलाउन लागेका हौं’ महानगर यातायात समितिका उपाध्यक्ष सन्तोष खतिवडाले उज्यालो अनलाइनसँग भन्नुभयो, ‘नेपालमा अहिलेसम्म चलेका बसमध्ये हाम्रो बस सबैभन्दा आधुनिक र सुविधासम्पन्न छन् ।’

मेट्रो बसका विशेषता 

समितिका अनुसार हरेक स्टेशनमा ५ मिनेटको फरकमा बस पुग्ने गरी व्यवस्था मिलाइएको छ । स्टेसनमा पुगेको जानकारी बसमा रहेको डिस्प्ले स्क्रिन र आवाजबाट यात्रुले सुनिने गरी दिने सुविधाको व्यवस्था गरिएको छ ।